A citadella di Corti - Une citadelle pour horizon
2019-11-09 14:44:57

Da u 16 di nuvembre 2019 à u 31 di marzu 2021, u museu di a Corsica Jean-Charles Colonna prupone A citadella di Corti - Une citadelle pour horizon. Ghjè un'invitazione à un spettaculu audiovisivu è grafficu, accumpagnatu da una seria d'interviste chì conta a citadella, da a so custruzzione à u so avvene. Aldifora, un novu percorsu di visita hè statu creatu pè fà scopre lochi scunnisciuti di u situ (in particulare u quartiere sparitu di e Castellacce). 

In più di u spettaculu è di u percorsu, ci hè a spusizione di ritratti di a citadella "In Terra d’Omi" d’Armand Luciani cù testi di Marie Ferranti è Jean-Yves Acquaviva è u spaziu pedagogicu "Daretu à e muraglie" pè i giovani da 6 à 11 anni. U spaziu conta e cronache di a piazza difensiva di Corti da u Medievu à a nostra epuca.