A filiera bislingua di u cullegiu di L'Isula Rossa festighjeghja i so 20 anni
2019-11-27 11:42:04

Vint’anni fà, in u 1999, a prima classa di Sesta bislingua apria à u cullegiu di L’Isula. U so creatore hè Laurent Bruna, prufessore di storia. À a rientrata 2019, 64 elevi bislingui sò iscritti in Sesta. Da a 6a à a 3a, u cullegiu hà oramai sei classe bislingue è seranu ancu di più numerose à a rientrata 2020. Si rimarca una mancanza di prufessori bislingui in l'accademia di Corsica. Fora di i corsi di lingua è cultura corsa, l'elevi amparanu quattru altre materie in corsu, frà quesse e scienze di a vita è di a terra, sia una decina d'ore à settimana à classa.