Pasquale Paoli : currispundenze scritte trà u 1774 è u 1784
2019-12-06 11:32:07

A cità di Bastia hà presentatu, à a bibliuteca patrimuniale Tommaso Prelà, un manuscrittu di più di 200 pagine scrittu da Pasquale Paoli durante u so primu esiliu in Londres. « Stu libru cuntene currispundenze scritte trà u 1774 è u 1784 » spiega Philippe Peretti, aghjuntu à u merre, delegatu à u patrimoniu. « Sti scritti facenu scopre leie trà Pasquale Paoli è i Forocitti, quelli chì difendianu sempre à quell'epuca l'idee di l’indipendenza Corsa in Italia. Scuprimu dinù i persunagi chì piacianu o dispiacianu à Paoli ». U documentu hè statu rigalatu in u 1939 da una famiglia di San Niculaiu à a cità di Bastia è una ghjurnata di studiu serà urganizata in u 2020. Intantu, hè spostu sin'à u 17 di dicembre à u museu di Bastia.

Ritrattu : Corse net infos