Edmond Simeoni, Tomu 2 : Pour la liberté
2019-12-17 11:59:38

Un annu dopu à a sparizione d'Edmond Simeoni, esce u secondu è ultimu tomu di a fascia figurativa chì li hè cunsacrata. Dopu à "Contre l'injustice", stu secondu libru s'intituleghja "Pour la liberté", è hè signatu Frédéric Bertocchini à u scenariu, Michel Espinosa à i disegni è Nuria Sayago pè i culori (edizione DCL).

U scenaristu hà travagliatu nant'à testimunianze pè signà un racontu rispettendu a vita d'Edmond Simeoni, ma dinù a storia di a Corsica sti 40 ultimi anni. In stu secondu episodu, avemu stonde di vita menu cunnisciute di u persunagiu, per esempiu u so trasferimentu in Parigi dopu à l'evenimenti d'Aleria, a so guardia custodia, a prigiò o ancu l'urganizazione di u prucessu in u 1976.