ADECEC: cunferenze u primu di ferraghju, à 6 ore in cunventu San Francescu di Cervioni
2020-01-14 17:47:16

Sabbatu u primu di ferraghju, à 6 ore in cunventu San Francescu di Cervioni, Francesca Desideri serà l'invitata di l'ADECEC pè una presentazione di u so libru “L’amore piattu”. In stu libru, l’autore presenta piante medicinale, frutti, erbe è frundami ch’ella hà racoltu pè appruntà robba squisita. Ci truverete dinù ricordi, stalvatoghji, tradizione è sosule. Petru Ghjuvanni Luccioni l'accumpagnerà pè u libru "Pastori è reghjoni" à l'edizione Alain Piazzola: una presentazione di u pasturalismu in a storia. Dopu, si manghjerà in particulare a suppa d’erbiglie di Francesca cotta à l’anziana.