Cuncorsu di nuvelle Altaleghje nant'à u viaghju
2020-03-04 14:30:13

Beaudelaire vi chjama à girandulà induva « tuttu n’hè ch’ordini è biddezza, lussu, calmu è dulcezza.” E voi, à chì viaghju v’aspitteti? Spassighjà in lu rughjoni o alluntanassi sin’à l’ultimi cunfini di u mondu, in lu spaziu o 20 000 loghi sottu à lu mari, incù u signori Perrichon o tali un pellegrinu scumpagnatu ?

Adulti è ghjuvanotti, viniti puru à scriva par u cuncorsu d’Altaleghje è cuntetici un viaghju riali o imaghjinatu, ch’idda sia una bedda odissea o una vera straziata, in francesi o in corsu, v’aspetta un ballottu di libri d’un valori di 100 euro.

Ci vole à mandà i testi, in francese o in corsu, nanz'à u 31 di maghju di u 2020 à concoursaltaleghje@gmail.com.
Regulamentu di u cuncorsu nant'à Altaleghje.com. Rinsignamenti : 06 76 85 34 02

L’edizione 2020 di u festivale litterariu « Leghje u mondu », sustenutu da Jérôme Ferrari, serà i 10, 11 è 12 di lugliu in Altaghjè. Organizatu da l’associu AltaLeghje, metterà a Belgica à l'onore cù autori chì ci invitanu à u viaghju: Bérengère Cournut (premiu Fnac 2019), Hélène Gaudy, Laure Limongi o ancu Erik Orsenna.