Fà mondu, u novu dischettu di A Pasqualina
2020-04-21 11:55:45

U novu dischettu "Fà mondu" di u gruppu A Pasqualina (Ghjaseppu Mambrini, Matteu Di Meglio, Petru Francescu Bombardi, Petru Paulu Lorenzi è Antoine Sampieri) hè esciutu à u mese di maghju 2020. Un travagliu à longu andà, imbedditu da i piumi di Nicolas Sorba, Alain Di Meglio è u so figliolu Matteu. St'opera hè fundata nant'à l'Umanu. Citeremu per esempiu "Frà tutti i lumi" chì rimanda à u seculu di i Lumi, à l'Università di Corsica è u generale Pasquale Paoli. Sta canzona hè stata messa nant'à i siti di telecaricamentu Deezer, Spotify, Apple Music, YouTube...