A Muvra : cent'anni !
2020-05-16 11:14:27

Cent’anni fà, u 15 di maghju di u 1920, nascia in Parigi una nova publicazione. A Muvra diretta da Petru Rocca hà da diffusà l’idee cursiste, durante vint’anni, pè a difesa di u populu corsu è a so lingua, a so memoria, a so cultura. Una pruduzzione giurnalistica, pulitica è culturale chì hè sempre un sugettu di cuntrasti trà storichi è linguisti. A u mese di ferraghju 1921, u manifestu di A Muvra presenta e rivindicazione pè risolve “a quistione corsa” (emancipazione pulitica, sviluppu economicu, insignamentu di a storia, di u “dialettu corsu”...) 100 anni dopu, ùn si sà ancu sì a rivista hè un sustegnu o una vittima di u fascismu, s’ellu hè annunziatrice o nò di u naziunalismu mudernu.