Les édifices romans de la Corse, V.1
2020-06-20 17:31:35

Sti travaglii di Claudine è Philippe Deltour-Levie, à l'edizione Alain Piazzola, si fondanu nant'à vint'anni di ricerche è cuntinueghjanu l'opera di Geneviève Moracchini-Mazel. Stu primu vulume cuncoglie più di 150 edifizii, catedrale è cappelle di monachi chì si trovanu in Capicorsu, Nebbiu, u Grande Bastia, a Balagna è a costa occidentale. L'autori sò andati sempre sopr'à locu pè fà una presentazione a più precisa pussibule di l'edifizii. In più di u travagliu di messa in cartella, ognunu hè statu ritrattatu è hè accumpagnatu di fiure anziane o di documenti di scavi.