Les Tours du littoral de la Corse
2020-06-20 17:46:45

Trà u principiu di u XVIu seculu è l'anni 1620, una centinaia di torre sò state custruite nant'à u litturale corsu pè curà l'attacchi di i Turchi è di i Barbareschi. Stu libru d'Antoine-Marie Graziani, à l'edizione Alain Piazzola, hè a cunclusione d'una ricerca d'una trentina d'anni pè raccoglie ogni datu iconograficu è documentariu nant'à a custruzzione è a storia di ste torre. Deverebbe permette un avvicinamentu più scientificu di ste custruzzione è fà paragoni cù edifizii simuli di e coste mediterranie, custruiti à a listessa perioda.