Aiò Zitelli à u festivale giappunese Short Film Asia
2020-06-26 10:40:46

U filmu Aiò Zitelli, scrittu da Jean-Marie Antonini è Frédéric Bertocchini, cuntinueghja u so giru di u mondu. Dopu esse statu selezziunatu è premiatu in festivali d’Italia, Russia, Rumenia, America suttana è parechje volte à i Stati Uniti, serà presentatu à u famosu festivale Short Film Asia, à u Giappone, una vera riferenza cinematugrafica nant’à u cuntinente asiaticu. Aiò Zitelli conta i fatti di i suldati corsi durante a Prima guerra mundiale.