Rasenna: un spaziu di civilizazione etrusca à u Parcu Galea
2020-07-21 11:54:08

À u Parcu Galea di Tagliu Isulacciu, a presentazione di a piazza di a Corsica in u mondu etruscu hè l'elementu centrale di u spaziu Rasenna. Una presentazione fundata nant'à studii scientifichi di l’INEACEM. Jean-Guy Talamoni, u presidente di l'Assemblea di Corsica, dicia in u discorsu d'inaugurazione: l'isula s'hè spannata in a civilizazione etrusca à u primu millenariu nanz'à a nostra epuca sin'à a so entrata in u mondu rumanu. A Corsica è i Corsi anu participatu à l'imbusche primurose di u Mediterraniu, à e battaglie, à i scambii cù i Fuceani, l'Etruschi, i Carthaghinesi, i Siracusani, i Rumani. L'impronte lasciate da tutti sti populi facenu a nostra storia è facenu ciò ch'è no simu.

Cù u tempu, st'impronte sò diventate tanti gesti arradicati in a vita d'ogni ghjornu, credenze cullettive, testimunianze riattualizate senza ch'è no a sappiamu di u nostru arte di campà, di a nostra cultura. U patrimoniu etruscu, ghjè dinù una parte di u nostru esse d'oghje, di a nostra manera di participà à u mondu.