BD in Bastia 2020
2020-09-08 15:16:16

In u 2020, per via di a crisa sanitaria, u festivale di u centru culturale Una Volta, carrughju César Campinchi in Bastia, s’organizerà in duie parte. Durante a prima, da u 18 di settembre à u 16 d'ottobre, averemu sette spusizione è scontri cù una quindecina d'autori: Aseyn, Benjamin Adam, Ugo Bienvenu, Blutch, Thomas Cadène, Loren Capelli, Philippe Dupuy, Mayanna Itoïz, Camille Jourdy, Benjamin Legrand, Wilfrid Lupano, Jérôme Mulot, Frederik Peeters, Robber, Florent Ruppert è Olivier Schrauwen. 

A seconda parte da u 4 di nuvembre à u 23 di dicembre serà di più cunsacrata à a giuventù cù una spusizione di disegni di l'elevi guidati da Marion Duclos è Margaux Othats durante una residenza d’artisti. E duie disegnatrice averanu dinù e so spusizione è seranu presente mercuri u 4 di nuvembre dopu meziornu pè scuntrà i so lettori.

Sò previsti dinù spettaculi prugrammati in u quadru di «L’Annu di a Fascia figurativa, 2020» à a Fabrica di Teatru, 2 carrughju Notre-Dame de Lourdes in Bastia: venneri u 2 d'uttobre à 9ore di sera cù a cumpagnia Les Parcheminiers è a so opera "Aux champs d'honneur" (ballu, musica è disegnu in direttu). Marion Duclos è Olivier Ka anu da prupone una lettura disegnata intitulata « L’enfant qui voulait toucher le ciel » (mercuri u 4 di nuvembre). Infine, Philippe Dupuy è Pierre Bastien, trumbettistu è capu d’orchestru d’automati musicanti, animeranu un'« Imagerie par Résonnance Mécanique » (sabbatu u 14 di nuvembre).

Di più infurmazione : https://una-volta.com/