A nave di Pasquale Paoli hà da esse ricustruita à a citadella di Bastia
2020-09-10 16:10:22

 

L'associu A Madunnetta, presidatu da Bernard Cesari, vole ricustruì u battellu di Pasquale Paoli. Cù sta custruzzione, i so membri bramanu di fà rinvivì u patrimoniu marittimu di a Corsica è rifà a leia trà l'isula, u mare è i so vicini naturali di Mediterraniu. Pensanu chì u publicu deve esse cuscente di l'impurtanza di l'econumia marittima è di u turismu culturale in leia cun ella. Si tratta dinù di prumove a nostra lingua quì è in altrò. L'associu vole dinù fà rinasce i mistieri marittimi è creà centri pè insignà e tenniche di tempi fà à i giovani. U battellu serà custruitu in un spaziu rigalatu da a municipalità di Bastia, in core di a citadella.

Ritrattu : Corse-Matin