Inaugurazione di i lucali di Via Télé Paese
2020-10-07 18:17:37

Venneri u 2 d'uttobre, sò stati inaugurati i novi lucali di Via Télé Paese in Munticellu. Un canale di vicinanza chì diventerà prestu regiunale. In st'occasione, sò state accolte e persunalità chì anu aiutatu à a nascita di stu media, in particulare una parte di l'Esecutivu di a CDC. 

Franco Farsetti, u PDG di Via Télé Paese, hà rammentatu e date di a vita di stu canale dapoi a so nascita, u 3 di nuvembre di u 2006 à st'annu 2020: " 2020, ghjè u primu partenariatu cù TV5 Monde (200 paesi, più di 350 000 000 di telespettatori, l'ingrandimentu di Télé Paese, a creazione di u Centru di Furmazione di giovani tennichi, un partenariatu cù e scole di giurnalismu di Valenciennes, Ecchisi, Nizza, Montpellier, a signatura d'un cuntrattu d'alternenza nant'à 2 anni DU giurnalistu corsofunia cù l'Università di Corsica, a fine di a chjama à candidatura pè a stensione in TNT nant'à a Corsica sana à parte da u primu trimestru 2021."