Un ochju di Santa Lucia datendu di 4000 anni in Ghjirulatu
2020-11-25 14:34:42

Mathieu Ghilardi hè cercadore. Hè geograffu è geomorfologu à u CNRS. I so travaglii portanu nant'à e lagune è e padule litturale di Corsica, da a Prestoria à a nostra epuca. Nant'à u situ di Ghjirulatu, à una prufundezza d'80 metri, ellu è a so squadra anu trovu un ochju di Santa Lucia è un ambiente marinu. Dopu à una datazione à u carbonu 14, st'ochju hè statu datatu à 2000 nanz'à Cristu. Serà u più anzianu ochju di Santa Lucia trovu in Corsica.