Chjama, u primu dischettu di ACP
2020-12-11 15:11:30

Anthoni dettu ACP, canterinu corsu di rap, hè di a regione di u Cruzzini è hà esciutu u so primu dischettu bislingu "Chjama" pè "Chjama à u rapu corsu !". Avemu in st'opera a rabbia di l'artistu chì dice ciò ch'ellu pensa nant'à a temi di sucetà corsa (per esempiu a vendita di a terra, a maffia) o d'altrò (cum'è l'Africa). Mischjendu u corsu à u francese nant'à a scena rap, hè una manera d'aduprà u corsu altrimente, secondu l'artistu, trà lingua di l'anziani è linguaghju di e cità. E so canzone mostranu dinù e manere di campà in l'isula, e so tradizione, un sintimentu di patriottu nant'à a so terra.