Pace è salute / Paci è saluta
2021-01-04 14:32:04

Bon dì, bon annu, bon capu d’annu,

Paci è saluta pà tuttu l’annu.

Da capu à pedi,

Da cima à fondu

Da San Basiliu à San Suluvestru

Da l’inguernu è i so cutruri

Da u veranu è i so virduri

Da l’istati è i so caluri

Da u vaghjimu è i so dulciuri

Ch’ellu naschi in lu vostru cori tanta amicizia è tantu amori

Ch’ella sia a vostra manu sempri tesa pà l’aiutu

Divizia d’amori di paci è di fratellenza

Scacciata pà sempri a caristia è cusì sia.

Bon dì, bon annu bon capu d’annu

Paci è saluta pà tuttu l’annu. 

Lisandru BASSANI