U Casteddu di Baricci classificatu Monumentu storicu
2021-02-25 15:48:50

A furtificazione midievale chì suprana a valle di l'Urtolu, U Casteddu di Baricci nant'à e cumune di Sartè è Foce, hè classificata Monumentu storicu. St'edifiziu hè statu custruitu in l'anni 1380 da Arrigo della Rocca, è rimanda à a sucetà signurile cù i so siti furtificati custruiti nant'à prumuntorii.  Permettia dinù di cuntrullà e strade strategiche è prutegia u territoriu.

Sta classifica hè u risultatu di u travagliu assignalatu di Gilles Giovannangeli, archeologu è specialistu di a perioda medievale, Franck Leandri, direttore regiunale di a DRAC di Corsica è i servizii cumunali. Essendu diventatu monumentu storicu, u situ serà messu in risaltu è ferà cunnosce ancu di più a cità di Sartè, cità ricca di storia.