Cuncorsu di nuvelle Altaleghje 2021
2021-03-18 14:53:48

L'associu Altaleghje prupone u so quintu cuncorsu per l'adulti è i zitelli in lingua francese è corsa. U tema: A pede di u mo arburu, ricordi di natura. Si tratta d'imaginà una finzione o di cuntà un ricordu primurosu. Una manera di sparte u gustu pè a scrittura è a lettura cù u publicu. I testi ùn devenu francà i 6 000 segni (spazii è puntuazione cumpresi). Pè Altaleghje, a natura hè l'ADN di a Corsica è di l'Alta Rocca. Sta natura, fonte d'ispirazione o d'intruspezzione, di cuntemplazione o d'aventure pè numerosi scrittori, da Rousseau à Lamartine, da Camus à Jack London, è più vicinu à noi Sylvain Tesson o Laurent Tillon. 

6 nuvelle seranu premiate :

• 4 in u quadru di u premiu di a ghjuria: 2 pè a categuria adulti + di 15 anni (1 in francese, 1 in corsu) ; 2 pè a categuria di giovani - di 15 anni (1 in francese, 1 in corsu).
• 2 in u quadru di u premiu di i lettori di e bibliuteche : pè a categuria adulti + di 15 anni (1 in francese, 1 in corsu).

Ci vole à mandà i testi nanz'à u 16 di maghju à festival.lirelemonde@gmail.com. Rinsignamenti : 06 11 20 23 51.

I membri di a ghjuria : Barbara Carlotti, Alain Di Meglio, Jean-Charles Papi, Dominique Memmi, Maud Simonot, Lisa Puponi, Mathilde Goeury, Madeleine Quilichini, Laure Humbert è Marie Guerini.