L'ochjata, nova emissione di Via Stella
2021-04-02 09:40:08

A nova emissione bislingua di a redazzione vole presentà in modu novu è originale l'attualità isulana. Un'ochjata à a storia di a Corsica è di u canale Via Stella, spessu liata à evenimenti ricchi è cumplessi. Cù una seria di cronache è un invitatu micca sempre aspettatu pè cummentà l'attualità di u mese, "L’Ochjata" vulterà nant'à l'evenimenti di l'attualità corsa di u mese scorsu ma dinù nant'à parechji anni in daretu. 

Hè a prima emissione bislingua in u spiritu di a nova formula di u "Corsica Prima". Pè stu primu numeru, venneri u 2 d'aprile à 9 ore menu un quartu di sera, Pierre Simonpoli è Sébastien Tieri anu ricevutu l'artiste bucugnanese Philippe Antonetti. Pittore, disegnadore di fascia figurativa, illustradore, disegnadore d'audienza. A so ultima fascia figurativa hè "Bonaparte fora ! L’échappée bocognanaise".