Cuncertu live stream di Jean-Charles Papi
2021-04-08 15:41:40

Jean-Charles Papi presenterà u so dischettu Best of Sperà, nant'à a scena di u centru culturale di Purtichju, pè un cuncertu virtuale ritrasmessu nant'à internet u 9 di maghju à 6 ore è mezu di sera. Cusì, si tene a leia cù u publicu nanzu a ripresa di i spettaculi vivi. Una manera dinù di fà campà a cultura, a musica isulana. Per quessa, ci vole chì stu spettaculu virtuale sia un successu, à vede in direttu o in replay, cum'è quand'è vo fighjate un filmu nant'à Netflix. A sfida hè dinù tennica cù una sunurizazione, lumi è un'ambienza chì sianu i più vicini d'un spettaculu nurmale.

Pè assiste à stu cuncertu, un 
pass à 9 € permetterà d'accede à u situ. Una risposta automatica spiega a dimarchja è e tappe pè riservà u so bigliettu è assiste à u cuncertu davant'à u so screnu. Un replay serà dispunibule è valevule parechji mesi dopu. In stu live stream, senterete e canzone di u Best Of è canzone nove di u futuru dischettu di u canterinu. Pè riservà i pass : corsebillet.co ; MP nant'à u Facebook @jeancharlespapioff è nant'à jeancharlespapi.com