Felice, u novu dischettu di Robert Chantereau
2021-09-15 11:56:50

In stu secondu dischettu, u canterinu prupone di scopre un novu universu, u soiu. E canzone si volenu più intimiste, cum'è un'invitazione à sparte stonde di vita. D'aostu 2021, hè esciutu nant'à internet un primu single di st'opera, « Tragulinu di lu cantu », festivu è federatore cù sunurità statinesche. Un'invitazione à u spartimentu, à l’amicizia è à a fratellanza cù un testu giratu versu l'umanu. Avemu dinù una puesia di Letizia Cosimi adattata in canzone, « U tempu passa », chì rinforza l'aspettu feminile di u dischettu.