Ci era una volta un racontu natu da l’oralità isulana, ingiru à u granu è a figura mitulogica di "A mamma di i venti". Una fola bislingua pè i giovani à parte da 7 anni è riscritta da Francette Orsoni. Serà ghjucata à l'Aghja in Aiacciu, ghjovi u 21 di nuvembre à 6 ore è mezu. U 22 à 10 ore in Piana è à 2 ore in Tiuccia. U 23 à 10 ore in Bastelicaccia è à 2 ore in Purtichju.

Cuntatti : 06 09 40 37 38, 06 13 18 19 24.

Ghjurnate urganizate da Isula Bella, amicale di i Corsi d'Hyères.

U gruppu Cuscenza hè natu in u 2015. Studianti à l'Università, ani decisu di creà un gruppu par dà una voci nova à u cantu suttanacciu, facendu di sta passioni un'opara culturali è forse una rivindicazioni suciali. "Semi ingrandati ind'una epica strana induva una parta di a ghjuventù corsa si perdi. Ma ci hè sempri un caminu ghjustu, una strada diritta, quidda di a cultura, di u suciali, di l'amori di a so tarra è di l'impegnu. Hè unu di i missaghji maiò ch'è no' vulemu sprimà à traversu stu dischettu." spieca Simon Paulu. In a so bocca u missaghju hè chjaru, in i so ochji [...]

  Ghjovi u 21 di nuvembre, 8 ore è mezu à u teatru : Patrizia Poli chì presenterà u so novu dischettu Versuniversu è Luz Casal, a famosa canterina spagnola. Venneri u 22 à 8 ore è mezu à u Centru Culturale Alb’Oru : Musiche Attuale  Contraversu : Stu gruppu prupone una creazione nova ingiru à a tradizione ma dinù un mischju di soni è generi cù a voce, u viulinu, a cetera è una furmazione chitarra-bassa-batteria. Un ripertoriu folk-rock avendu influenze d’altrò in lingua nustrale. U Québec à l’onore cù Steve Hill. Canterinu, musicante è cumpunidore. Un [...]

Da u 16 di nuvembre 2019 à u 31 di marzu 2021, u museu di a Corsica Jean-Charles Colonna prupone A citadella di Corti - Une citadelle pour horizon. Ghjè un'invitazione à un spettaculu audiovisivu è grafficu, accumpagnatu da una seria d'interviste chì conta a citadella, da a so custruzzione à u so avvene. Aldifora, un novu percorsu di visita hè statu creatu pè fà scopre lochi scunnisciuti di u situ (in particulare u quartiere sparitu di e Castellacce).  In più di u spettaculu è di u percorsu, ci hè a spusizione di ritratti di a citadella "In Terra d’Omi" d’Armand [...]

Ghjovi u 21 di nuvembre à 7 ore è mezu, serà a terza edizione di u scontru nuvembrinu di morra, urganizatu da a Cullettività di Corsica è u museu di a Corsica. Pè l’iscrizzione, chjamate l’Associu Corsica morra : tél.: 06 20 33 22 39 / club.corsica.morra@gmail.com / o sopr’à locu un’ora nanzu u scontru. Si puderà vince u trufeu rializatu da Cyril Maccioni.

Pè festighjà i so 60 anni, à parte da 8 ore è mezu, averà una bella squadra chì sparterà a scena incù ellu : sunadori, amicacci è dinù assai surprese.

U gruppu Alte Voce hà esciutu u so novu dischettu "Isula nostra". I temi di e 15 canzone sò à quandu a bellezza di a natura, a difesa di a Corsica ("Isula d'oghje"), l'isula chì chì hè sempre stata una terra d'accolta ("Terra d'asiliu"), a nustalgia di un'epuca andata, l'amore di e tradizione ("A muntagnata", "Stonde passate"). Un dischettu chì entre ind'a testimunianza sempre sputica è generosa di u gruppu. Ogni annu, face un giru nant'à u cuntinente pè fà megliu cunnosce a Corsica.