Essenziali, novu dischettu di Jean-Charles Papi
2016-08-02 11:07:17

Un'opera nant'à u fattu d'andà aldilà di e pussibilità di a persona, stà à sente a diversità di u mondu. Una chjama à esse felice durante e stonde semplice d'ogni ghjornu, stendu à sente u titulu "Campà".  Ma u canterinu e face falà appena, a canzona "Zeru in punta", hè contr'à tutti i giurnalisti chì parlanu di a Corsica senza ogettività. Avemu dinù un'adattazione di a canzona "Puisque tu pars" di Jean-Jacques Goldman, cantata in corsu è in francese cù Patrick Fiori. U dischettu hè dedicatu à famiglia è à l'amichi di Jean-Charles Papi, ma soprattuttu à Alessandru, u so figliolu natu u primu di ghjugnu di u 2016.