La Corse de John-Antoine Nau
2017-02-23 14:32:40

Prupunendu una monografia nant'à La Corse de John-Antoine Nau, à l'edizione Albiana, Eugène Gherardi ci invita à entre in l’isula di u primu Premiu Goncourt, induv'ellu hà campatu da u 1909 à u 1916. St'isula « ch'ellu ùn cunniscia micca » (P. 59), « bizarra è magnifica » (P. 60), ch’ellu vulerebbe « adatta à ellu » (P. 60), avendu à tempu un clima dolce è una natura salvatica. L'averà descritta cum'è l'anu fatta pochi à a so epuca perchè John-Antoine Nau hà vistu di a Corsica, « e ruvine di a Prima Guerra mundiale, è u penseru di scuntrà solu « vechji » in Purtivechju, l’ammirazione pè u patriuttismu di i Corsi (P. 122-123), e cunsequenze di sta guerra cù tanti morti curagiosi, bravi è utili » (P.127). 

Ma La Corse de John-Antoine ùn hè micca solu a riprisentazione di l'isula da st'autore. Ci hè dinù l’interrugazione posta in modu implicitu da Eugène Gherardi in a so presentazione : chì serà a parte di « cursità » in John-Antoine Nau ? Li dispiace chì u so rumanzu corsu, Thérèse Donati, sia « cusì pocu corsu » perchè « ùn si pò amparà a Corsica in sei anni », d'ùn avè fattu prugressi pè amparà u corsu, ancu sì, ogni tantu, hè piacevule per ellu d'ùn sapè a lingua d'un paese ». (P. 87) Eppuru, durante a so presenza in l'isula, l’identità di John-Antoine Nau ùn pianta mai d'esse impastata, traversata, è campa in ellu una parte di l'isula. Si cunsidereghja ancu cum'è Corsu (P. 126).