U palazzu di i guvernatori, novu rumanzu di Georges de Zerbi
2017-04-15 09:57:10

L'azzione di stu rumanzu, scrittu in lingua corsa, si passa in u Bastia di l'annu 1491, durante a presa di funzione di u novu guvernatore di u Regnu di Corsica, Galeazzo de Lévanto, à u palazzu di i guvernatori. L’autore prova à avè un sguardu più serenu nant'à a pulitica di Genuva di pettu à a Corsica, fundendusi nant'à u testu di l'Istruzzione secrete date à ogni guvernadore è chì mostranu ciò ch'elli pensanu veramente l'autorità genuvese di tandu. À tempu, si ghjova di i scritti attuali di i storichi corsi parlendu di l'azzione di a Serenissima in l'isula. Stu rumanzu anticipava a spusizione Corsica Genovese, urganizata da a Cità di Bastia in u 2016.
 
Ritrattu : Corse net infos