Musa d’un populu, florilège de la poésie corse contemporaine
2017-07-22 09:52:36

St'antolugia nova di Norbert Paganelli cuncoglie 50 pueti vivi di Corsica avendu publicatu omancu un libru, è presenta a situazione di a puesia isulana. Sò persunalità cunnisciute di a litteratura corsa, o nò. Ogni volta, i testi sò in corsu è francese è l'autori ùn pratichendu u corsu sò stati traduttiUna biografia è una bibliugrafia cumpletanu a presentazione di ogni autore, chì hè statu dinù sullicitatu pè ch'ellu faccia sapè ciò chì a scrittura puetica riprisenta per ellu.

Norbert Paganelli hè sartinese. Hà publicatu più d’una decina d’opere puetiche è hà ottenutu u Premiu di puesia corsa in Santa Teresa di Gallura (2009), u Premiu di a creazione litteraria di a Cullettività Territuriale di Corsica (2014), u Premiu di u Libru Corsu (2015) è u Premiu di u Cunsigliu dipartimentale di Cismonte in u 2016.

Ritrattu : edizione Le bord de l'eau.