San Petru prutege torna a Castagniccia
2017-08-05 14:54:25

Dumenica u 30 di lugliu di u 2017, hè statu postu u novu bustu di San Petru nant'à u monte San Petrone, à 1767 metri d'altitudine. A statua era stata digià cacciata duie volte sti pochi anni è si spera ch'ella serà oramai rispettata. Un'opera di u duttore Rinaldi, pisendu 80 chilò, è chì hè stata arrecata cù un elicotteru.

Quassù, Paul Battesti, merre di Nocariu, è l'intrapresariu Jean-Louis Storai anu fissatu a statua di u santu prutettore chì prutege a Castagniccia, dapoi più di cent'anni. Dumenica u 6 d'aostu, a messa tradiziunale à a cima serà cum'è una risurrezzione pè a pace. È cusì sia!

Ritrattu : Xavier Grimaldi