Santa di Niolu, 7-10 di settembre
2017-08-31 11:09:50

E festività di a Natività di a Madonna, a Santa di Niolu in Casamacciuli, esistenu dapoi cinque seculi, ogni annu. A cumemurazione religiosa si face cù a messa, l'8 di settembre à 10 ore è mezu, seguitata da a tradiziunale Granitula. Sta cumemurazione face vene millaie di pelegrini. In più, ci hè a fiera agricula, cumerciale è culturale, sustenuta da l'Associu per a Santa di Niolu, è chì l'hà orientata nant'à u tema "Muntagna è Sviluppu". 

Cusì, l'artigiani vendenu prudutti corsi di qualità. Truvemu demustrazione di bestie è d'arnesi agriculi, attività spurtive in leia cù a natura (VTT, appichjata, percorsu di fune, ball-trap..) è dibattiti nant'à a prublematica di u sviluppu territuriale. Attività culturale cù cuncerti di gruppi pulifonichi, chjam'è rispondi, dibattiti è panconi nant'à a lingua è a cultura corsa, spusizione etnulogiche nant'à a vita pasturale di tempi fà. Infine, un'animazione di notte cù panconi in legnu è rispettendu un quaternu di cariche.