In cuncertu, novu dischettu di Maì Pesce
2017-09-05 16:33:00

Maì Pesce, puntellu di u gruppu I Chjami Aghjalesi è tenoru di a musica corsa, hà arrigistratu u so quartu dischettu durante un cuncertu in Furiani, chjamatu ghjust'appuntu "In cuncertu". Cù l'arrigistramenti nant'à i dischi, u canterinu pensa chì ùn ci era micca listessa emuzione, listessa manera di cantà perchè hè troppu calculatu cù u metronomu.

Quì, Maì canta cum'ellu vole è micca cum'elli volenu i musicanti. Li hè stata detta parechje volte chì, quand'ellu cantava nant'à a scena, e canzone eranu più belle, surtianu megliu. U dischettu hè vendutu solu ind'è i discarii : Belluccia in L'Isula Rossa, Chorus in Bastia, Albertini in Corti è Vibrations in Aiacciu.

Ritrattu : www.telepaese.corsica/