E cronache di Petru Mari
2017-09-13 11:29:55

Cavalier'Leone

Sia un serenu ponte 

Da Corsica à Tuscana

Ritrova l’antiche fonte

Di quella surgente arcana

 

Cun arte è embiu cumpagnone

Tù figliulinu

Cavalier’ Leone

 

Guarda pasce e to sgiotte 

E’ abbraccia l’umanità

Da Vignale à Bonanotte

Abbia fede è ùn stancià

 

Accendilu u fucone

Tù figliulinu

Cavalier’ Leone

 

Ti purteraghju in Ficaghja

Paese chi’ fù lu meo

Quassù à le Colle in l’Aghja

Amparai u calateo

 

Senza funa nè bastone

O  figliuli’

Cavalier’ Leone

 

Ma ùn ci hè più chè u ventu

Ci hè solu anime vinte

Ricordi è pentimentu

Dentru à li cori strinte

 

Fughji di issa finzione

Tù figliulinu

Cavalier’ Leone

 

Da Mala à Bonanotte

Curala a to sumenta

Chi’ a vita ci si spechja

E’ l’avvene ci s’agrotta

 

Ecculu si face Nazione

Per tè figliulinu

Cavalier’ Leone

 

L ‘ombria è po a sulana

Seranu la to furtuna

Ritrova la vita arcana

Di lume Sole è bughju Luna

 

Si’ l’Architettu di a to cundizione

Tù figliulinu

Cavalier’ Leone

 

Vulerai in d’altri orienti

Sù li mari à fratellà

Saperaghju chè tù senti

U mo spiritu da culà

 

Annodati lu curdone

Tù figliulinu

Cavalier’ Leone

 

Ferai po le to prove

Ghjucherai à par’ o sparu

Cù idee vechje o nove

Ch’importa, ti tengu caru

 

Cureraghju lu to volu, acellone

Tù figliulinu

Cavalier’ Leone

 

Bastia u 26 02 2016

Petru Mari