Cronache di Petru Mari
2017-12-19 14:11:04

Manga è mangras

Manga è mangras so’ nant’à un battellu. Mangras s’annega. Quale ferma in barca?

Un la sapete?

Eo si’.

Un ghjornu, una famiglia di Giappunesi in vacanze in Parigi incù i so dui figlioli Mangà è Mangras, ghjeranu stallati in un albergu. Aspettavanu un piattu esoticu per elli, un fatasma chi’ finalmente si realizava: e lasagne.

Lasagne ùn avianu mai manghjatu in Kyoto’. Culandi manghjanu risu impallatu ch’elli ciottanu in una salsa fatta di pesciu fracicu è ancu pesci micca fracichi ma velenosi, gonfiii cum’è buttacce. E tutti l’abbitanti so’ radioattivi chi’ travaglianu cum’è scemi: Mangà, Mangras, i genitori, a famiglia Amomotto’, Tutti alo’. Radioattive so’ ancu e so cene: a salsa fracica, i Pesci periculosi, a carne di i boii wagyu chi’ pascenu luserna à l’uranium in e pianure di Kobè. Anu finitu tutti per scimi’ pianpianinu stendu à tiru di i vapori impuzzichiti di Fuckuscimi’.

E so’ magri.

E anu a testa imburrata di sogni. Pensanu à issi lochi di sognu induv’elle nascenu e lasagne appiccate à i pulloni. Basta à tende a manu, pensanu.

U più chi’ pensa hè Mangras, un falsu magru chi’ spera esse un ghjornu un sumo’ di centucinquanta chilo’ .

Allora i sunnieghja.

I sumo’ so’ Giappunesi grassi in string. U sumo’ ghjè una lotta tradiziunale. So’ i Vinci Giappunesi.

Ma cum’è feranu per ingrassà, pensa Mangras? Ind’è si techjanu…Un sumo’ si sciacca ottumila calories à ghjornu. Paragunate incù un disgraziatu di u Mali’ chi’ si deve cuntentà di dece.

Videte a differenza ?

A ondeci ore manghjanu u « scianko ». Una spezia di funduta bourguignona cotta in un marmittone pienu di carni di tutte e varietà, lardu, cavulu cinese, « dalcon » (un radichju chi face ingrassà) , patate. Tuttu cio’ chi’ li casca. Facenu coce issu bullitu in un « nabbè » , un paghjulone tamant’è una tina.

Manghjanu cum’è otre. Accade ancu ch’elli si manghjinu trà d’elli.

C’est ça le sumo.

In quellu ristorante pariginu e lasagne e l’anu purtate è e s’aggustanu ch’un li pare mancu vera.

I genitori s’empienu a panza,

Mangras ùn si ne parli, si pensa stradatu pè i chjassi longhi di a cumpagnia elitista di i sumo’. Mangà ùn hà toccu u so piattu, ghjè u so telefuninu chi’ l’interessa è u so nutrimentu di figurette animate chi’ mughjanu in Giappunese saltendu per aria.

Ghjè magru Mangà.

Mangras ellu impazzisce, si torna à serve una piattata di lasagne.

Un hà paura di nunda.

Ghjè radioinattivu, ùn s’hà da micca d’annigà.

Mangà si’, u cervellu struttu, ipnutizatu da e figurette di u so telefuninu chi’ mughjanu in Giappunese.

So’ mondi diversi.