Jean-Raphaël Cervoni
2018-01-16 10:10:54

Si n’hè andatu à l’altru mondu Jean Raphaël Cervoni à l’età di 64 anni. Omu di lettere, prufessore, storicu, giurnalistu, omu di radiu. Era l’autore di numerose opere nant’à Bastia, nant’à a prima guerra mundiale mà dinù nant’à u pallò isulanu.

Originariu di Castifau, natu in Bastia u 14 di ghjennaghju 1954 Jean Raphaël Cervoni era un omu cultivatu, passiunatu da u so mistieru.

Innamuratu di a so regione è di u so patrimoniu, era u presidente di l’associu per a salvezza è a restaurazione di u cunventu San Francescu di Caccia, situatu trà Castifau è Moltifau. Un puntellu di a cultura corsa smarisce.