L'île des ogres, novu libru di Jean-Jacques Andreani
2018-01-16 15:02:01

In dodeci raconti è illustrazione magnifiche d'André-Louis Quinton-Gaffory, stu libru face viaghjà u lettore ind'u nostru patrimoniu di a tradizione à bocca, in ste storie cuntate à a veghja. Quì, l'orcu ùn hè micca quellu di e fole di Charles Perrault, chì manghja i zitellucci è chì stà ind'un palazzu, ma si tratta di omi tamanti chì sò dinù maghi, è chì cunnuscerebbenu u secretu di u brocciu, ognunu stà ind'un rughjone di l'isula.

Si trova numerose riprisentazione in a toponimia di a nostra isula da u Nordu à u Sudu. Secondu e pieve, hè chjamatu orcu, magu, magonu, porcafonu o palponu. Hè un essere chì spasseghja in u mondu trà a vita è a morte. Pò esse influenzatu da forze scure o curà a persona è u spiritu. Sà tuttu o quasi tuttu, i secreti di a natura, l'emuzione è sintimenti chì si piattanu in u core di l'omi. Pè scrive stu libru, Jean-Jacques Andreani s'hè ghjuvatu dinù di u travagliu di ricerca fattu da Roccu Multedo.