Pirru è Ricuccata
2018-01-20 11:38:57

Pirru è Ricuccata, ghjè a storia d’un orsu è d’una tupichja chì si passa in Corsica è chì a sorte face incontrà si per una storia carc’à rivultamenti nant’i chjassi di u patrimoniu isulanu.
Dop’à l’arrubecciu di u Cornu sacru da u Pinzachju, i nostr’amichi si mettenu à a ricerca di u strumentu fantasticu per restituisce lu à i corsi.
Per què, vanu d’un locu à l’altru, d’un incontru à un altru. Tutti st’elementi si feranu vistiche nant’u caminu chì costruiscerà a so amicizia.
A scuperta di u patrimoniu isulanu, a pratica viva di a nostra lingua corsa inde i duppiami è a scrittura, u frisgiu di e fiure, a musica muderna è ritmata, s’adduniscenu in stu libru muciale à l’attenzione di e creature ma dinù d’i maiò per offre un racontu tremendu cù parechji livelli sfarenti di lettura. Una storia chì si prulonga nant’u net grazi’à un’appiecazione numerica.
Pruduttu à 100% in Corsica, incù 100% d’attori lucali di u mondu di l’intrapresa o di a cultura, Pirru è Ricuccata hè u fruttu di u matrimoniu di a mudernità è di a tradizione.

Incù Doria Ousset, Paul Turchi-Duriani, Fabien Mariani, Corsica Sound, Studio RedTone, Stamperia Sammarcelli, Studio WMI, Frédéric Antonpietri, Hubert Tempête, Anna Rocchi, Louis Franceschi, Jean Pruneta, Jean-Charles Marsily è Anghjulu Mari!