Festa di a lingua corsa (maghju-ghjugnu 2017)
2017-02-07 09:23:54

V’impegnate per a lingua corsa ? Avite un’idea per a prumuzione di a lingua ? Site un associu, un’istituzione, una cullettività, una persona murale ? Vulite prupone un’attività à i zitelli o à i maiò di u vostru territoriu? A Cullettività Territuriale di Corsica vi sustene è accumpagna i vostri prugetti à prò di a lingua corsa. 
Rispundite à a chjama à prugetti per a  «Festa di a lingua corsa », nanzu à u 3 di marzu di u 2017, solu o cun parechji partinarii. 
   
Impegnate vi ! A lingua hè viva, ci tocca à parlà la !  
  
Telecaricate u cartulare di risposta è u regulamentu di l’aiuti è rispundite ci nanzu à u 3 di marzu di u 2017. (scadutu quellu ghjornu ùn seranu micca ritenuti i prugetti) 
Truverete u cartulare di scrizzione è a guida di l’aiuti da telecaricà nantu à u nostru situ: http://www.corse.fr/linguacorsa/
  
IMPURTANTE 
  
Per una efficenza più bona di u nostru serviziu è un trattamentu più lestu di u vostru cartulare, vi preghemu di rispettà i cartulari di participazione è a guida di l’aiuti. Ùn seranu micca ritenuti i cartulari incumpletti nè quelli rimessi dopu à a data limita. 
  
ATTENTI 
  
Ùn si pò principià a manifestazione nanzu chè d’avè ricevutu a nutificazione uffiziale d’accettazione di a dumanda di suvvenzione. 
  
E suvvenzione sò pagate unicamente secondu à u modu spiegatu in u regulamentu di l’aiuti pagine 6
  
Ùn seranu micca pigliate in contu e spese chì cuncernanu :                                                                                                                    
- u spiazzamentu di l’organizatori for’di Corsica, 
- l’alloghju è i ripasti di l’organizatori for’di Corsica 
- e cuntravenzione à u codice stradale 
- e riparazione è a franchizia d’assicuranza in casu d’accidente di i veiculi persunali o in affittu 
- i pieni di carburante 
  
 Ùn seranu micca pigliati in contu i ghjustificativi di pagamentu (fatture) : 
- chì a data hè anteriore à a nutificazione. 
- ch’ùn sò micca signati da u Presidente è u Tesurieru di l’Associu (e duie signature) o da un agente 
  cuntabile.