Cuncorsu di scrittura teatrale pè u festivale d'Aiacciu
2017-02-23 14:55:48

U festivale d’Aiacciu urganizeghja un grande cuncorsu di scrittura teatrale. Pè participà, ci vole à stà in Corsica dapoi omancu un annu, scrive a storia in corsu, in francese o in e duie lingue. Sta scrittura hè pè un’opera chì dura omancu 45 minuti è u testu deve esse in leia cù l’isula, a so storia, a so natura o i so abitanti. I prugetti seranu mandati nanzu u 30 d’aprile 2017 à Laurent Massei, direttore di u festivale d’Aiacciu, in furmatu PDF, currieru elettronicu : laurentfta@gmail.com o cù un currieru cuntenendu una chjava USB à Laurent Massei, 1 rue Sainte Claire, 20 000 AJACCIO.

U premiatu riceverà un’opera d’arte creata apposta da un artistu o un artigianu d’arte di a regione aiaccina, è 50 esempiarii di a so opera à l’edizione Colonna. Infine, l’opera premiata serà iscritta à u ripertoriu teatrale corsu.