Una via, novu dischettu di I Messageri
2017-03-16 10:51:42


Fundatu in u 1996 da Jean-Michel è Fabrice Andreani, dui fratelli capicursini è fium'urbacci, u gruppu I Messageri hà creatu u so quartu dischettu "Una via". St'opera hè stata rializata in Corsica cù Rick Allison. St'artistu di rinomina internaziunale, hà cullaburatu è cumpostu i più famosi successi di Lara Fabian, Chimène Badi, è cumpostu dinù pè Johnny Halliday, Maurane, Michel Sardou è tant'altri.

"Una via" hè un dischettu arradicatu à a terra corsa è à e so prublematiche, hè dinù apertu nant'à u mondu è altri orizionti. E canzone sò state scritte da Ghjuvanfrancescu Mattei, Marc Ventura, Henri Olmeta à fiancu à Fabrice è Jean-Michel Andreani. Hè previstu un cuncertu u 19 d’aprile à u teatru di Bastia, è un giru inde i rughjoni di Corsica.