Isula Muntagna
2017-07-15 17:58:26

A nova rivista "Isula Muntagna" hè un novu attore di a Corsica rurale. À l'iniziu, u ritrattadore Philippe Pierangeli avia addunitu à u CPS di Corti parechji cuntributori di stu primu numeru. Nentru, ci hè Antoine Vannucci, pastore pecuraghju Buzincu, è u so rughjone di muntagnera hè ind'a cuprendula. Hà dettu chì Isula Muntagna mostra u pasturalismu d'oghje è di dumane è li permette di sprimesi. Ancu s'ellu parla d'un sugettu anticu, ùn ci hè nè nustalgia, nè passatismu. Dunque, grazia à un'appiicazione chì ci vole à telericuperà, u lettore pò cunsultà di più infurmazione o siti dedicati. I codici à duie barre (QR Codes) permettenu d'ottene un'attualizazione nant'à i sugetti di i sfarenti articuli. Cusì, a rivista ùn si ghjetta, si cunserva.

Ind'u primu numeru, ancu i giovani sò messi in risaltu, avemu dui ritratti di giovani pastori chì anu da scunfinì a spluttazione famigliale. Ci hè a pulitica cù un'intervista di Jean-Félix Acquaviva è u pianu muntagna. Sportu cù un articulu nant'à Guillaume Peretti è parechje pagine nant'à sfarenti trail di a stagione. Econumia cù un cartulare nant'à e fureste isulane. Cucina cù parechje sosule di zucchini. Tradizione cù un sugettu nant'à a tundera. Ancu a securità in muntagna hè trattata cù i cunsiglii di Ghjuvan Francescu Luciani. Certi articuli so in francese, altri in corsu.