Puesie? Eppo ! A nova racolta d'Iviu Battini
2017-12-19 14:36:50

Puesie... E puesie provanu à mette in valore a ricchezza d’una lingua fine, musicale, fiurita, ch’ella hè a lingua corsa. Cantanu in particulare l’amore di u paese, e suffrenze è a nustalgia di l’esiliu, i ricordi di zitellina in lu sistemu agro-pasturale. Ma a spiranza hà dinò ella a so piazza ! Eppo... Scritti chì si volenu à carattare filosoficu circa à varii tema in liame incù l’usi, l’usanze è e tradizione, è sopra à diffarenti cumpurtamenti è manere d’esse è di campà di l’omu, incù tutti l’aspetti di a natura umana. Suvente risorte l’illugismu di a logica. È di le volte s’affacca ancu un pocu di malizia è di bel umore !