Cronache di Petru Mari
2018-01-02 10:27:53

Vauban è i Peplum

Ma issu Vauban, nè, chi’ ne pensate ? Nè ? Quantu n’averà suminatu ruvine è casacce viote issu Vauban, nantu a so strada ? In ogni locu duv’è v’andate in cuntinente ci hè qualcosa di Vauban. So’ fieri. Imbuffati, dicenu : « On a jamais pris un fort de Vauban ». Benintesu !.. Chì si n’hà da fà d’un fort de Vauban ?

Chi’ ci rumpite e stacche incù Vauban !

Ma perchè chì vi parlu di Vauban oghje ?

In fatti mi ci vulia à fà una cronica storica, ma mi so’ sbagliatu.

Chi’ n’emu da fà di Vauban ?

Francadimente ùn la sò..

Parlemu piuttostu di i peplum. Hè Storia ancu quessa.

I peplum. I filmi di i Rumani ingutuppati di lenzole. Chi’ ci contanu a vita antica…

Avà sò di moda i peplum. Anu fattu ancu e cunferenze tempi fà in Aiacciu. I peplum sò « tendance ». Allora tè, è s’o ci faciamu un peplum ? Subbitu qui’ avà in furia in furia à a lesta.

Ta zin.. Ci vuleria una musichetta pè a dramaturgia, ma ùn ne aghju.

Dunque, ta zin…( ghjè un jingle)

Avè. Vole du bonghjornu in peplum.

Simu in tempu di l’imperatore Gillus Simeonus. Un certu Tiberius Claudius, chi’ stà in una latifundia in a periferia di Roma, si sente male. Và à truvà à Xénophone. Xenofone ! U superposilus medicorum ( u medicu, alo’). U so cabinettu ghjè in l’aesculapium. L’aesculapium, fattu per curare morbum incù l’aiutu di una pharmacopolae.

E Tiberius Claudius dice à u superposilus medicorum :

- Mi sente u pettu à parte manca mi sente. Xenofone l’appiccica l’arechja in pettu, li mena qualchì colpu di piccu in fronte, riflette una stonda è li dice :

- Ghjè l’esoffaghju. C’est l’œsophage.

- A…È chì femu ?

-  Ete l’esoffaghju strambu, ùn hè duv’ellu averia da esse. Ci vole ch’ellu ritrovi u so versu. Allora, emu da fà una operazione.

U leganu nant’un tavulinu, li menanu una altra martellata in testa (ghjè l’anestesia), piglianu seretta, trapanu è cultellu è Xenofone l’opereghja. Li mette propiu l’esoffaghju à mezu è li mena una martellata in fronte per discitallu.

Tiberius Claudius, ch’ùn hè mai andatu à a messa, si ne volta purtantu curatu in a so latifundia. Ma ùn si sente bè. Suda. Hè rossu inciabbatu. D’abitutine si campa à casticà i so schiavi, ma ùn la ci face à movesi.

Ca ne va pas ça ne va pas

I piglia à baterchjate i so schiavi, ma dillaziate e baterchjate. Ùn la ci face à movesi.

Aù, ci vole ch’ellu volte à l’aesculapium à fà una visita di cuntrollu. Dice à u superposilus medicorum:

- O sgiò duttore, da poi l’operazione mi morgu sempre da u callu, ùn sò perchè…

- Hè nurmale li risponde Xenofone, avete l’œsophage central.

Tatzin…

Ghjera u nostru peplum, in i tempi di l’imperatore Gillus Simeonus.

Ch’ellu sgià beatu, ch’ellu sgià.