Morte di Guy Dongradi
2018-01-24 09:54:14

U mondu culturale hè in dolu. Guy Dongradi, fundatore di i Scontri musicali di Mediterraniu, si n'hè andatu. Natu in Tunisia, originariu di Scolca è anzianu merre di stu paese, hà fattu i so studii à u liceu di Bastia, era prufessore di musica in sta cità è in altre cumune di Corsica. Hà compiu a so carriera cum'è pruvisore. Avia a musica in core è hà urganizatu parechji cuncerti in u quadru di e Giuventù Musicale di Francia. Ne era u delegatu regiunale.

Era dinù rispunsevule di i cuncorsi di piano Madeleine de Valmalette, induve hà cuntribuitu à mette in risaltu i talenti lucali. Si face cunnosce in u Mediterraniu è, in u 1999, nascenu i Scontri musicali. Guy Dongradi dicia chì "altru chè un festivale, era piuttostu un scambiu di cunniscenze pè mustrà chì a Corsica era una terra d'accolta, di tulleranza è si tratta dinù d'addunì studianti di grandi cunservatorii di Statu". A tristezza hà francatu dunque e limite di l'isula.

Ritrattu : Corse-Matin