20-03-1736
Teodoru di Neuhoff sbarcava in Aleria.

20-21-03-1793
Era publicatu u " Précis sur l'état actuel de la Corse " di Volney.

20-03-1811
A moglia di Napulione parturia d'un maschju. U partu essendu difficile, Napulione dice à i medichi : " Figurez-vous que vous accouchez une marchande de la rue à Saint-Denis. Sauvez d'abord la mère : c'est son droit ".

20-03-1866
Nascia in Olmetu, u medicu generale di marina Emily, elettu in u 1938 presidente di l'Accademia di e Scienze Culuniali.

20-03-1958
À a Scola Nurmale d'Istitutori d'Aiacciu, Carulu Giovoni facia una cunferenza nant'à l'urigine di a parlata corsa.

20-03-1989
Michel Rocard prupone indarnu di cuncertassi cù i funziunari in greva chì volenu una prima d'isulanità pè cumpensà a vita cara in l'isula.

20-03-1991
Si discorre à u Senatu di u prugettu JOXE.

20-03-2004
I Muvrini eranu invitati d'onore di a notte celtica à u Stadiu di Francia.

20-03-2008
Paul Giacobbi hè rielettu presidente di u cunsigliu generale di Cismonte è Jean-Jacques Panunzi rielettu presidente in Pumonte.

***

03-1554
Sampieru Corsu attacca una culonna di Taliani ghjunti da Bastia mentre ch'elli s'appruntavanu à francà u Golu. Ancu sì i Corsi vincenu, Sampieru hè feritu da un'archibusgiata. 03-1757
Pasquale Paoli era accampatu da Mariu Manuellu Matra à u cunventu di u Boziu. Clemente ghjunghje attempu per salvà u fratellu. Matra hè tombu.

03-1560
Andrea Imperiale è Pellegro Giustiniani, cumissari di l'Uffiziu di San Ghjorghju ghjunti in Corsica, scrivenu ch'elli anu "trovu numerosi paesi abbandunati è pianure ch'ùn eranu più cultivate". Stimanu chì 18 000 famiglie campanu in l'isula, stu numeru riprisenta à u più una pupulazione d'una centinaia di millaie d'abitanti.

03-1779
E Cungregazioni pè u riscattu di i schjavi urganizavanu a ricuperazione di i Corsi chì ghjeranu in Tunisi è Algeri.

03-1814
A Corsica avia 502 ettare piantate in linu. A pruduzzione era di 1880 cantari. Pè a canapa ùn ci era chè 150 ettare, guasi tutte in u circundariu di Corti. A pruduzzione era di 308 cantari.

03-1887
U giurnalistu Paul Bourde ghjunghjia in Corsica. D'issu viaghju ne esciutu un libru impurtante : " En Corse - l'esprit de clan - les mœurs politiques - les vendetta - le bandistime ".

03-1911
L'aviatore Bague pruvava à fà a traversata da Nizza à Bastia in aeropianu. Ghjuntu à l'isula di a Gorgona u so monopianu Bleriot si rompe. A prima traversata di u mare Tirenu serà fatta l'annu dopu, à u mese d'uttobre, trà Pisa è l'Arinella di Bastia, da u talianu Cagliani.

03-1913
À u cungressu internaziunale di zoolugia di Monacu u naturalistu inglese Forsyth Major facia una cumunicazione nant'à i mammiferi quaternarii di Corsica è di Sardegna.

03-1928
Escia u filmu di Dreyer nant'à " Jeanne d'Arc ". Per riprisentà à Jeanne d'Arc, u realizatore avia sceltu à Rinalda Falconetti, figliola d'un omu di Sermanu.

03-1961
Escia u libru di Armand Bernardini-Sjoestedt : " Christophe Colomb ", torna un libru chì cerca à fà a prova chì Cristofanu Culombu era corsu.

03-1963
Da Stuttgart, l'alpinistu Von Cube signava un prefaziu pè u libru di Michel Fabricant nant'à u Monte Cintu.

03-1965
A rivista " Rosaire de la Corse ", trattava di a riforma di a liturgia chì permettia di dì a messa in tutte e lingue.

03-1966
Escia u libru di Albertini è Marinetti " Pozzo di Borgo contre Napoléon ".

03-1966
U talianu Bernardo Cori scrivia un introitu pè u so libru : " La Penisola del Capo Corso, studio regionale autropogeografico ".

03-1967
Quinte elezzioni legislative di u dopu guerra. Sò eletti : Bozzi, Roccaserra è Faggianelli.

03-1973
Escia u libru di Jean è Laurence Jehasse : " La nécropole préromaine d'Aleria ".

03-1973
7esime elezzioni legislative di u dopu guerra. Sò eletti : Alfonsi, Zuccarelli è Rocca Serra.

03-1980
Escia u libru di Lisandru Sanguinetti : " Lettre ouverte à mes compatriotes corses. "

03-1980
Creazione di a CCN (Cunsulta di i Cumitati Naziunalisti).

03-1983
À a fine di marzu, una cunvenzione era signata trà Corsi è Sardi per riintruduce u cervu in Corsica.

03-1985
In u Petit Bastiais, Rinatu Coti annunziava a morte di u puetu catalanu, Salvator Espriù.

03-1985
Escia u libru di Jean-Victor Angelini : " Tonnerre sur la Corse 1939-1945 ".

03-1987
Escia u libru di Petru Antonetti : " Sampiero, soldat du roi et rebelle Corse 1498-1567 ".

03-1987
Escia u libru di u parcu regiunale : " Les mammifères en Corse ".

03-1988
Escia u libru di Christiane Lorgues-Lapouge : " Corse baroque ".

03-1989
Escia u libru di René Emmanuelli : " L'équivoque de Corse 1768-1905 ".

03-1989
Era ristampatu da l'edizioni La Marge u libru di Maurice Jollivet : " La Révolution française en Corse ".

03-1990
Escia un libru signatu Antoine Leca : " L'esprit du droit Corse d'après le plus ancien code insulaire : les Statuts de San Colombano de 1348 ".

03-1991
U rettore annunziava chì a prova facultativa di lingua corsa era valevule, micca solu pè u bascigliè, ma dinù pè u CAP è u BEP.

03-1991
Dorothy Carrington era fatta duttore honoris causa di l'Università di Corsica.

03-1992
Era publicatu un libru di Mélanges Offerts au Doyen François Pitti-Ferrandi. Natu in Bastia, Pitti Ferrandi hà fattu i studii secundarii in Parigi, à u Cullegiu Stanislas, è i studii superiori di Dirittu in Ecchisi. À u dirittu preferisce l'insignamentu di e lettere è passa l'agregazione è un dutturatu. In u 1981, raghjunghje l'Università di Corti è face da prufessore, da direttore è da decanu di a facultà di Lettere : " Il faut penser - hà scrittu u prufessore Sirinelli - que François Pitti-Ferrandi croyait à la Corse, à sa jeunesse, à son avenir et à sa toute nouvelle université ".

03-1992
Escia u libru di Jean-Marie Comiti : " Les corses face à leur langue ".

03-1992
Assassiniu di a militante naziunalista Marie-Antoinette Guelfucci.

03-1992
Elezzione di l'Assemblea di Corsica chì, oramai, hà 51 membri. Vittoria di a diritta (53%), fiascu di a manca (19%), prugressione maiò di i naziunalisti (25%). Jean Baggioni diventa presidente di l'esecutivu è Jean-Paul de Rocca Serra ferma sempre u presidente di l'Assemblea.

03-1998
Elezzione di l'Assemblea di Corsica : a diritta si tene a magiurità assuluta di l'eletti (48%), sceglie à José Rossi pè rimpiazzà à Jean Paul de Rocca Serra è eleghje torna à Jean Baggioni cum'è presidente di l'esecutivu. A manca vince voti (33%) ma i naziunalisti ne perdenu. (9%). A nuvità di st'elezzione hè a presenza di duie liste solu feminile. À mumentu datu st'elezzione seranu annullate.

03-1999
Elezzione di l'Assemblea di Corsica : a diritta perde a magiurità assuluta ma si tene e duie presidenze. A manca ottene 33 % di i voti è Corsica Nazione 17 %.

03-2004
Elezzione di l'Assemblea di Corsica : magiurità rilativa pè a diritta cù e duie presidenze grazia à u votu di l'Unione Naziunale.