Valincu Lindu parla à l'abitanti
2020-02-08 14:48:42

Sta mane, u cullettivu Valincu lindu chì blocca l’entrata di u centru d’interru di u mullizzu di Vighjanellu dapoi dui mesi, hà distribuitu foglii d’infurmazione à i cunduttori chì passanu davant’à u situ. Una distribuzione pè spiecalli a ragiò di a so azzione. Dumandanu dinù à a ghjente di raghjunghjeli.


Mudernizazione di l'istituzione di l'isula
2020-02-08 11:21:16

U presidente di l’Assemblea di Corsica, Jean-Guy Talamoni, hà da prupone, durante a sessione di i 13 è 14 di ferraghju, di mudificà u funziunamentu di l’organu deliberante. L’ogettivu hè di rinfurzà a trasparenza di l’istituzione di l’isula pè suddisfà i citadini.


Fine di l'iscrizzione nant’à e liste eletturale
2020-02-08 11:20:35

Dapoi eri sera, sò compie l’iscrizzione nant’à e liste eletturale pè l’elezzione di marzu. Ci vulerà à aspettà qualchì ghjornu pè cunnosce u numeru precisu d’iscrizzione.


Labellu 3D pè 7 novi stabilimenti sculari
2020-02-08 11:19:57

7 novi stabilimenti sculari di l’isula, frà quessi u cullegiu Philippe Pescetti di Cervioni, anu ricevutu u labellu 3D chì ricumpensa e so azzione à prò di l’ambiente. A parte da rientrata 2020, serà lanciata a seconda fasa di stu labellu pè i stabilimenti chì l’anu digià ottenutu.


Interruzzione di e linee Corsica-Sardegna
2020-02-07 11:26:35

Dapoi sta mane, e linee trà Corsica è Sardegna sò suspese. A causa hè chì un battellu di a cumpagnia Moby hà toccu u fondu in u portu di Santa Teresa di Gallura.


Fochi di dibbiera in Cismonte
2020-02-07 11:25:55

I suldati di u focu sò intervenuti eri parechje volte in Cismonte pè fochi di dibbiera micca ammaestrati. U focu u più impurtante di Furiani hà brusgiatu un ettare.


Filippo di Carlo cunvucatu à u tribunale
2020-02-07 11:25:22

Filippo di Carlo, candidatu à e municipale in Bastia, hè cunvucatu sta mane à u tribunale. Hè accusatu d’offese contr’à a pulizza nant’à e rete suciale dopu l’immubilizazione di liceani à dinochju, capu calatu di dicembre 2018 durante una mubilizazione liceana in Mantes-la-Jolie.


Addunita d'infirmieri davant'à a CPAM di Bastia
2020-02-07 11:24:44

Eri, u cullettivu di l’infirmieri liberali corsi s’hè addunitu davant’à i lucali di a CPAM in Bastia, pè prutestà cont’à a mudificazione di a so cunvenzione cù st’organismu. Pensanu ch’ella minaccia i so impieghi per via chì ùn tene micca à contu e particularità di a Corsica. Una delegazione hè stata ricevuta pè dumandà una derugazione.


Assemblea di a Giuventù : intervenzione di Sampieru Sanguinetti nant'à a maffia
2020-02-07 11:23:55

Durante l’ultima sessione di l’Assemblea di a Giuventù, u giurnalistu Sampieru Sanguinetti hà parlatu di a so visione di i fenomeni criminali. In Corsica, ùn vole micca parlà di maffia è raccumanda un bon funziunamentu di a pulizza, di a Ghjustizia, u sviluppu di l’Educazione.


Incendiu di Bavella : una catastrofa eculogica
2020-02-05 09:24:15

A timpesta Hervé chì toccava a Corsica eri hè passata senza fà troppu diguasti. Mà hà contribuitu à attizzà u focu chì hà divastatu a regione di Quenza. L’incendiu hà distruttu 1100 ettere di furesta è di machja à u centru di i massicci di Bavella et di Tova. Un veru disastru eculogicu. I suldati di u focu di a Corsica sò arrulati è parechji rinforzi venuti da u cuntinente sò aspettati oghje, cun l’appoghju di mezi aerei. I fochi d’inguernu, u fenomenu hè recente mà tende per disgrazia, à generalizassi. A lista hè disgià troppu longa.


Prussimi articuli