L'annata 2019 ricca in timpesta
2020-01-27 16:50:26

In Corsica l’ananta 2019 hè stata ricca in timpesta è episodii meteorologichi intensi . Una situazione chi deverebbe intensificassi in l’annata à vene per via di u riscaldamentu climaticu.


Scuperta archeologica in Bastia
2020-01-27 16:49:45

L’archeologhi di l’Inrap anu messu à ghjornu e so vistiche chi datanu di a fine di l’epuca rumana. Ghjè a prima volta chi un abitatu di sta perioda hè ritrovu in un statu di cunservazione


Noel Giodarno vince u Restonica Trail Biancu
2020-01-27 16:49:01

L’ondecesima edizione di u Trail Biancu à a foce di Vergio s’hè tenutu eri . Pocu neve quist’annu mà sempre un grande successu pupulare, a corsa hà addunitu 700 participanti.  A corsa hè stata vinta in 1ore25 da Noel Giordano. S’impone davanti à Benjamin Clerice è Jean Laurent Dominici.


Successu di u gala di u Kick Boxing di Lucciana
2020-01-27 16:47:51

A novesima edizione di u gala di u Kick boxing di Lucciana prupunia sabbatu sette cumbatti. Alex Vasta di u KB Lucciana hà vintu contr’à u talainu Elios Haruni è s’avvicina di a classa A. Un bellu spettaculu chi hà avutu un bellu successu cù un publicu chi hà rispostu prisente per u più grande piacè di u presidente di a squadra Roger Santoni.


Dumanda d'avvicinata pè Julien Muselli, Adrien Matarise, Ghjilormu Garelli è Nathalie Vincensini
2020-01-25 16:25:53

Oghje, una cinquantaina di persone si sò addunite davant’à a prefettura d'Aiacciu. Dumandanu l’avvicinata in Corsica di Julien Muselli, Adrien Matarise è Ghjilormu Garelli : trè giuvanotti incarcerati in Parigi pè affari di schelleri è prova di schelleri. A listessa dumanda vale dinù pè Nathalie Vincensini, obligata à stà in Marseglia.


Focu d'appartamentu in Bastia
2020-01-25 15:00:46

Sta notte, i suldati di u focu sò intervenuti pè un incendiu d'appartamentu in Bastia, quartiere di Montesoru. Una camera hà brusgiatu è a persona chì ci stà hè stata riallughjata. L'abitanti di u casale sò stati evacuati ma nimu hè statu feritu.


Influenza : pre-alerta in Corsica
2020-01-25 11:23:44

A Corsica hè in pre-alerta per via chì e persone influenzate sò di più numerose, ma ùn ci hè ancu trasportu à l’urgenze. A gastro ella cumencia à esse più debule.


Jean-Paul Poletti è u coru d'omi di Sartè cantanu à Santa Devota in Monaco
2020-01-25 11:22:51

Dumane, in u quadru di a messa di Santa Devota, patrona di a Corsica è di Monaco, Jean-Paul Poletti è u coru d’omi di Sartè seranu invitati da u principe Albert II pè cantà à a catedrale Notre Dame Immaculée di Monaco. A messa hà da esse diffusata nant’à Télé Monte Carlo à parte da 7 ore. L’Ave Maria è “L’innu di u principe” seranu cantati in corsu.


Forte acquate è cunsequenze
2020-01-25 10:18:35

Forte acquate sò accadute eri in Cismonte sopr’à tuttu in Piaghja Orientale è a regione bastiaccia cù più di 100mm d’acquate. U Scontru Bastia-Borgu/Avranches hè statu ripurtatu. In fine di dopu meziornu, durante e forte acquate, una decina d’operaii sò stati supresi da una fiumara d’un corsu d’acqua in Poghju di Nazza impedendu di raghjunghje i so veiculi. Sò i succorsi chì sò intervenuti per aiutalli à francà u corsu d’acqua. Infine, eri sera, u tunellu di Bastia era chjosu per via di u tempacciu è hè sempre chjosu oghje tutta a ghjurnata pè travaglii.


Nova ghjurnata contr’à a riforma di e ritirate
2020-01-25 10:17:06

Eranu numerosi eri per una nova ghjurnata di mubilizazione in Bastia contr’à a riforma di e ritirate. Tutte e generazione anu fattu sapè a so scuntentezza è l’appuntamentu hè statu presu per a settimana prussima.


Prussimi articuli