Cuntrolli stradali in Bastia: duie arrestazione
2019-09-20 17:45:44

A principiu di stu dopu meziornu, i CRS anu arrestatu dui omi durante un cuntrollu di vitture in Bastia. Traspurtavanu un’arma è un ghjileccu paraballe. Sò cunnisciuti da a pulizza è seranu cunvucati davant’à un magistratu.


Mubilizazione contr'à a riforma di e ritirate
2019-09-20 16:02:07

Marti u 24 di settembre, ci serà una manifestazione in Bastia à 10 ore, da a prefettura à a cascia di ritirata è in Aiacciu. Manifestazione in u quadru d’una mubilizazione naziunale contr’à a riforma di e ritirate. Chjame à a greva sò state mandate in l’Educazione Naziunale è altri servizii publichi.

 


Un omu feritu da una petra in Bunifaziu
2019-09-20 15:19:49

Una petra hè cascata nant’à un omu chì era nant’à u parking di a so residenza in Bunifaziu. I succorsi sò intervenuti.


Ricorsi contr'à i PLU di Siscu è Prupià
2019-09-20 11:13:31

I ricorsi contr’à i piani d’urbanismu di Siscu è Prupià esaminati eri da u tribunale amministrativu di Bastia. Hè statu dumandatu l’annullazione parziale per Siscu. A decisione serà cunnisciuta u 10 d’uttobre. Ùn hè ancu u casu di quellu di Calvi, allora i spazi agriculi ponenu prublemi à a cumissione ad hoc incaricata d’emette un avisu in corsu d’elaburazione di u documentu amministrativu.


Fucilate è minacce in Bastelicaccia
2019-09-20 11:12:22

Sta notte, cinque fucilate sò state tirate contr’à u magazinu Spar nant’à a cumuna di Bastelicaccia, è scritti minaccendu u gerante di u stabilimentu sò stati trovi à l’entrata di a cumuna.


Fochi di vitture in Bastia
2019-09-20 11:11:44

Duie altre vitture sò state brusgiate in Bastia sta mane versu 5 ore in u quartiere di Montesoru è malgradu l’intervenzione di i suldati di u focu.


Cuntrolli nant'à u battellu Pascal-Paoli
2019-09-20 11:11:11

Sta notte, gendarmi è militari sò intervenuti nant’à u battellu Pascal-Paoli, trà Bastia è Marseglia. Parechji cuntrolli sò stati fatti nant’à musulmani chì facianu e so preghere ma nimu hè statu arrestatu.


Arrubbecciu è effrazzione à a posta di Siscu
2019-09-20 11:10:34

Sta notte dinù, ci hè stata un’effrazzione è un arrubbecciu à a posta di Siscu. I danni sò maiò è u stabilimentu serà chjosu pè parechji ghjorni. Una centinaia d’euri sò stati arrubbati da una o parechje persone è a gendarmeria di Brandu face l’inchiesta.


Intervista di Gilles Simeoni
2019-09-20 11:09:35

In u Corse-Matin, ci hè un’intervista di Gilles Simeoni. Hè interrugatu nant’à i cartulari d’attualità, i raporti cù u Statu, e rilazione in a magiurità, e municipale…


Primu premiu di a memoria pè i sculari d'Erbalonga
2019-09-20 11:09:05

I sculari d’Erbalonga, nant’à a cumuna di Brandu, anu ricevutu u primu premiu di a memoria in leia cù a Grande Guerra. Anu messu à l’onore u suldatu Jean Peretti. Dapoi a sessione 2010-2011 di stu premiu, l’accademia di Corsica l’hà ottenutu trè volte.


Prussimi articuli