Bagnu interdettu à u ponte di Nuceta
2019-07-20 15:24:29

Un decretu di u merre di Nuceta interdisce u bagnu in u fiume di u Vechju, vicinu à u ponte di Nuceta. In fatti, l’ultime analisi sanitarie, fatte da l’Agenza regiunale di Salute u 16 di lugliu, mostranu una cuntaminazione batteriologica di l’acqua.


U cluster Corsica cosmetic inaugurata
2019-07-20 11:34:37

Corsica cosmetic hè u nome di una nova struttura di scontri, di ricerca scientifica è econumia stallata in Figari. Hè stata creata pè valurizà l’intraprese corse di piante à prufume, medicinale, arumatiche, di cosmetolugia è di a farmacupea.


Energia : i penseri d'Aria linda è A Sintinella
2019-07-20 11:34:05

I dui associ di difesa di l’ambiente, Aria linda è A Sintinella, pensanu chì l’alimentazione à u fuel si ferà torna dopu à l’annu 2023 pè a centrale di u Vazziu in Aiacciu. E prucedure di chjame à ufferte ùn sò ancu state fatte.


Fibra ottica in Corsica
2019-07-20 10:32:50

A fibra ottica in Corsica hè a prumessa di parechje centinaie d’impieghi nant’à u territoriu, vale à dì 250 in cinqu’anni. E furmazione spezializate anu principiatu à a fine di u 2018 è cuntinueranu tutta l’annata.


Fà in Campile
2019-07-20 10:31:39

Per a so prima edizione, Fà in Campile urganizava eri una reunione nant’à u futuru di u castagnu corsu; in giru à a tavula eletti è pruduttori anu ramintatu u caratteru culturale è suciale di l’arbre à pain.


L'USC Corti colla in Naziunale 3
2019-07-20 10:30:30

Dopu à dui mesi di prucedure ghjè a squadra di L’USC Corti chì evuluerà in naziunale 3 dopu à una decisione di u tribunale amministrativu. Mà a federazione francese di pallò hà digià publicatu u calindariu di naziunale 3 è puderebbe decide di fà un campiunatu à 15 in u gruppu Corse Méditerrannée. U FC Balagna hà fattu appellu di sta decisione. Un affare à seguità.


Scontri amichevuli di e squadre corse
2019-07-20 10:29:09

Eri sera u GFCA è u SCB anu fattu un risultatu paru 1 à 1. L‘ACA ghjucava un scontru amichevule contr’à Nimes è e duie squadre anu fattu un risultatu paru 2 à 2.


Dui associ corsi sustenuti da “30 millions d'amis”
2019-07-19 17:37:11

A fundazione “30 millions d'amis” hà previstu una somma di 1,3 milioni d’euri d'aiuti da scumparte trà 225 strutture in a Francia sana. In Corsica, dui associ sò cuncernati : a sucetà corsa di difesa di l’animali in Mezavia, è l'AFPA (associu fiumurbacciu di prutezzione di l’animali) in Prunelli di Fium'Orbu). St’aiutu cuncerna e cure veterinarie, a nutritura, travaglii…


Accidente stradale in Ventiseri : 8 feriti
2019-07-19 17:26:28

Un accidente stradale hè accadutu à principiu di stu dopu meziornu nant’à a cumuna di Ventiseri. Trè vitture si sò inticciate davant’à a basa di Sulinzara è 8 persone sò state pocu ferite.


L'USC Corti colla in Naziunale 3
2019-07-19 16:46:16

Oghje, u tribunale amministrativu di Bastia hà decisu chì l'USC Corti ghjochi u campiunatu di Naziunale 3 2019-2020. Face chì a decisione di a Federazione francese di football di dà a vittoria à u FC Balagne contr’à Furiani-Agliani in u campiunatu amatore di Regiunale 1 hè stata annullata. A presenza d’un ghjucadore furianincu suspesu avia ghjustificatu a decisione di a FFF. Oramai, ùn si sà ancu si u FC Balagne serà rimpiazzatu da Corti o sì e duie squadre seranu mantenute in Naziunale 3.


Prussimi articuli