Pianu Lucale d’Urbanismu di Cavru cuntestatu
2019-02-15 11:33:30

Eri, u tribunale amministrativu di Bastia hà  esaminatu trè ricorsi di u Statu, di l’associu U Levante è d’una persona contr’à u Pianu Lucale d’Urbanismu di u paese di Cavru. U ministeru publicu raccumanda l’annullazione di a deliberazione di u cunsigliu municipale avendu validatu u PLU in u 2017 è un’amenda di 1500 euri chì a cumuna pagherà à U Levante è à sta persona. U tribunale ferà cunnosce a so decisione da quì à un mese.


Intervista di Rumanu Colonna
2019-02-15 11:32:33

Ind’u Corse-Matin, pudite leghje un’intervista di Rumanu Colonna, cunsiglieru territuriale di a magiurità è maestru di cunferenze à l’università. Si sprime nant’à a riforma di u bascigliè, l’amparera di u corsu, a cuufficialità, u prucessu di l’indipendentisti catalani…


Prumuzione di a Corsica in Europa
2019-02-15 11:31:52

L’Agenza di Turisimu Corsu face a prumuzione di a Corsica in Europa cù parechji affissi in grande cità. Di regula, u mese di ferraghju hè un mese induve e riservazione sò e più numerose in Allemagna è Belgica.


Corte d'appellu di Bastia: affare d'agressione in casa
2019-02-15 10:24:33

Un tunisianu chì avia feritu di settembre scorsu un giovanu à a faccia cumparia eri davanti à a corte d’appellu di Bastia. Era statu cundannatu in prima precura à 7 anni di prigiò frà elli unu attempatu. U deliberatu hè aspetattu u 13 di marzu.


Focu à a torra di Micalona
2019-02-15 10:23:03

A torra genuvese di Micalona situata in Olmetu Plage hè stata distrutta da e fiamme mercuri. Dipoi qualchì annata, era stata compra da un particulare è riabilitata in abitazione. U focu s’hè spapersu à l’inseme di u bastimentu è a struttura interna in legnu hè stata distrutta sana. A pista criminale hè privilegiata è un inchiesta hè stata aperta.


Manifestazione in Bastia è Aiacciu pè u serviziu publicu
2019-02-15 10:21:49

Durante manifestazione eri in Bastia è Aiacciu, l’agenti di e finanze publiche anu fattu sapè ch’elli sò impenseriti è dinunzianu a ristrutturazione di u serviziu publicu.


Liga 2 : Paris FC-ACA è GFCA-Brest
2019-02-15 10:19:20

L’ACA si dispiazza à u Paris FC è u GFCA riceve à Brest.


Scuperta di cannabis in Solaru
2019-02-14 16:01:19

Sabbatu u 9 di ferraghju, a gendarmeria hè intervenuta nant’à a cumuna di Solaru pè un accidente stradale. A donna vittima di st’accidente avia betu troppu è, in a vittura, ci era 13 g d'erba di cannabis. In casa soia, i gendarmi anu scupertu dinù più di 2 chilò d'erba è di testa di cannabis. A sente a cunduttrice è u so cumpagnu, servianu à a so cunsumazione persunale è à fà oliu essenziale. Ste duie persone seranu ghjudicate.


Penseru pè i salariati di a Méridionale
2019-02-14 16:00:27

I salariati STC di a cumpagnia Méridionale s'interrugheghjanu nant’à a strategia di a so direzzione in u quadru di a chjama à ufferte pè a Delegazione di Serviziu Publicu trasitoria trà Corsica è Marseglia. Dapoi eri sera, facenu azzione pè ritardà a partenza di i battelli di sta cumpagnia. A u sindicatu li dispiace chì a Méridionale hè candidata solu pè i porti di Bastia, Pruprià è L’Isula Rossa è hà dumandatu un cunsigliu d’intrapresa strasordinariu. Intantu, face tricà a partenza di i battelli di 55 minuti.


Prova di schelleru in Corti
2019-02-14 10:07:40

Eri mane parechje buttiglie di gasu è un liquidu infiammabile so stati scuperti in una sala di ghjochi pè zitelli in a zona artisgianale di Corti. A zona hè stata securizata è un’inchiesta hè stata aperta.


Articuli scorsiPrussimi articuli