Arrestazione in Corti
2017-10-19 10:36:34

Un omu di una vintina d’anni hè statu interpellatu marti in Corti dopu avè agressatu una giovana di a listessa età chi hè stata assai cummossa. Ritenutu in i lucali di a brigada di gendarmeria di Corti, cumpariscerà oghje davanti à u tribunale currezziunale di Bastia.


Focu in Pastriccola
2017-10-19 10:35:42

Eri à l’entrata di Pastricciola, in u Cruzinu, una dibbiera accesa da un abitante di u paese hè diventata un incendiu è minacciatu un tempu l’abitazione. I suldati di Vicu, Aiacciu è Pastricciola sò intervenuti per pudè ammestrallu.


Prucessu di Jean-Claude Maurizi
2017-10-19 10:34:09

U gerante di un stabilimentu di notte, Jean-Claude Maurizi, 63 anni, hè ghjudicatu davanti a corte d’assise di Cismonte per assassiniu vuluntariu. Hè suspettatu d’avè tombu un cliente di maghju 2015 durante una baruffa. Digià cundannatu per arrubecciu in u 2002 risicheghja à prigio à perpetua.


Maria Guidicelli micca candidata à e territuriale
2017-10-19 10:31:47

L’anziana cunsigliera territuriale è candidata per a republica in marchja Maria Guidicelli hà decisu ch’ellu un participerà micca à u scrutinu.


Interdizzione di circuli cù animali salvatichi in Bastia
2017-10-19 10:31:07

Nant’à decisione di u merre di Bastia, a stallazione di i circuli chì prisenta numeri d’animali salavatichi sò oramai interdetti nant’à u territoriu di a cumuna. Tutti i spettaculi di circuli chi ùn mettenu in scena numeri cù animali salvatichi, sò i benvenuti.


24u Giru di Corsica à vela
2017-10-19 10:29:46

U 24simu giru di Corsica à vela hà principiatu eri cù 46 battelli. Un bellu appuntamentu cù cundizione appena difficiule per oghje è dumane per via di u ventu.


Terramotu in u centru di Corsica
2017-10-18 12:00:51

Sta notte, ci hè statu un picculu terramotu in u centru di l’isula. Un ci hè stata vittima nè danni. Testimoni anu intesu un grossu rimore è i vetri anu trimatu. U 29 di lugliu scorsu, ci era statu digià un terramotu in a zona.


Liberazione di Katty Bartoli
2017-10-18 10:06:08

Katty Bartoli, a presidente di l'Associu Sulidarità, hè stata ritenuta eri mane mane à a gendarmeria Battesti in Aiacciu. Sta ritenuta s’hè fatta in u quadru di una reunione di malfattore in leia cù u intrapresa terrurista. A cunvucazione era liata à u cartulare di Franck Paoli, u militante naziunalistu arrestatu di settembre scorsu. Una quarantina di membri di l'Associu Sulidarità hà passatu a ghjurnata davanti a caserna per sustenela. Katty Bartoli hè stata lasciata libera versu 5ore mà hè stata messa in esame per ricusu di ricacciata d’ADN.


Rechisitoriu pè l'affare "Isula di u telefunu"
2017-10-18 10:05:11

Abusu di cunfidenza, di debulezza, scruccuneria, u procuratore Bouillard hà richiestu cundanne da 3 è 4 anni di prigiò à l’incontru d’Antoine è Marc Virdis. Anziani co geranti di a sucetà "isula di u telefunu". U deliberatu serà datu u 21 di nuvembre prussimu.


Affare Agula Marina rimandatu
2017-10-18 10:00:57

U cartulare di l’affare immubiliariu Agula Marina chì devia esse ghjudicatu durante trè ghjorni davanti à u tribunale currezziunale di Bastia hè statu rimandatu. In causa una richiesta pè dumandà a nullità di a prucedura fatta da l’avucatu di Marc Astolfi, accusatu di scruccuneria, abusu di cunfidenza per un prugettu chì ùn hà mai principiatu.


Articuli scorsiPrussimi articuli