Un omu di 70 anni s'annega in Purtivechju
2019-06-24 11:42:57

Un omu di 70 anni s’hè annegatu eri in sera in Santa Giulia in Purtivechju dopu avè avutu una mancanza. Malgradu l’intervenzione di I succorsi a vittima ùn hà pussutu esse salvata.


Cunflittu à a Meridiunale
2019-06-24 11:40:28

 

Eri sera una baruffa hè accaduta nant’à u portu di Bastia  quandu grevisti di a meridiunale so stati a sibula di  ghjetti diversi lampati da passageri  chi si truvavanu à bordu di u Pascal Lota. Unu di i grevisti hè statu toccu in capu.  I grevisti si so resi nant’à u battellu induv’è a barruffa hà cunitnuatu. Trè persone so state pocu ferite mà dopu l’intervenzione di a pulizza u calmu hè rive

 

Sempre in u cunflittu di a Meridiunale st’ultima hà annunziatu ch’ella facia una prucedura di referitu vicin’à u tribunale amministrativu di Bastia per cuntestà e cundizione di chjama à ufferta di a delegazione di serviziu publicu trà Marseglia è I porti di Corsica.

In fine dopu à una ghjurnata di tensione i marinari di u STC è di a CGT anu decisu sta mane di lascia imbarcà o sbarcà i passageri  è u fret. Sta decisione intervene dopu à un cumunicatu di u so presidente eri sera è oramai è so azzione seranu concentrate nant’à a Meridiunale


U prucessu di Savannah Torrenti cuntinueghja oghje
2019-06-24 11:38:37

U prucessu di Savannah Torenti ripiglia oghje  in Aiacciu. In fine di settimana e dichjarazione di Axel Bouchard ùn eranu cuerente cù e custatazione medico legale. Oghje un addunita sera urganizata davanti à u palazzo di ghjustizia d’Aiacciu à l’iniziativa di Femmes Solidaires.


U prucessu di u FLNC s'apre dumane
2019-06-24 11:33:51

Prigiuneru dipoi cinqu’anni , Cedric Courbey cumparisce à parte da marti per l’assassiniu di Christian Leoni vicinu di a Brise de Mer. Un attu rivindicatu da u gruppu clandestinu FLNC nant’à fondi di rivalità liate à a criminalità urganizata.


Anthony Quilici vince a Tavaninca
2019-06-24 10:58:36

Sabbatu in fine di dopu meziornu era urganizata a seconda edizione di u trail a Tavaninca. A corsa hè stata vinta da Anthony Quilici.


A greva à a Meridionale impeghjurisce
2019-06-23 12:11:24

A greva principiata à a cumpagnia La Meridionale impeghjurisce. Dipoi sta mane u portu d Bastia hè bluccatu. Parechji passageri di a cumpagnia Corsica Linea aspettanu soluzione, circendu, frà altre, à forzà u blucchime di i marinari. 


Fochi di dibbiera in Cismonte
2019-06-22 18:03:05

Oghje, i suldati di u focu sò intervenuti pè fochi di dibbiera in Lumiu, Siscu è U Borgu allora chì u focu hè interdettu st’estate per via di u risicu d’incendiu. Una cuntravenzione hè pussibule pè i culpevuli.


Karen Courcelle hà da percorre u GR 20 pè ottene u tempu u più cortu
2019-06-22 18:02:11

Karen Courcelle, 45 anni, di U Viscuvatu, hà da participà à u GR 20 u 28 di ghjugnu, è pruverà à percorrelu in 40 ore. S’ella riesce, ottenerà u tempu u più cortu pè una donna. Sin’à avà, u tempu u più cortu hè di 41 ore 22 minuti ottenutu da Emilie Lecomte di ghjugnu 2012.


Accidente stradale in Vignale
2019-06-22 17:13:58

Sta mane, ci hè statu un accidente stradale trà una mottò è una vittura in Vignale. U mottociclistu, pocu feritu, hè statu traspurtatu à l’uspidale di Corti.


Baruffa in Bastia : dui feriti
2019-06-22 17:13:27

Oghje, ci hè stata una baruffa in Bastia trà dui omi chì sò stati feriti. Un si sà ancu a ragiò è sò stati uspidalizati.


Articuli scorsiPrussimi articuli