Alerta gialla pè u tempurale
2019-11-15 10:02:32

I dui dipartimenti di Corsica so stati piazzati in vigilenza gialla sin’à 3 ore stu dopu meziornu per via di u tempurale. A prudenza hè ricumandata.


Fondi europei 2021-2027 : un'imbusca maiò pè a CDC
2019-11-14 11:48:21

Eri, un seminariu di a CDC à u palazzu di i cungressi in Aiacciu era cunsacratu à a preparazione di i prugrammi europei 2021-2027. L’ogettivu hè d’ottene finanzamenti pè a Corsica in i duminii ritenuti da Bruxelles. A CDC scumette nant’à l’innuvazione, u turismu à londu andà, l’econumia circulare è a necessità di travaglià pè fà calà a precarità.


Morte di Raymond Poulidor
2019-11-14 10:29:43

U famosu campione di Francia ciclistu Raymond Poulidor si n’hè andatu à 83 anni. Conta frà i sportivi i più populari in Corsica induve u publicu s’hè incantatu d’ognunu di e so participazione.


Vighjaneddu 2 autorizatu da u Statu
2019-11-14 10:29:02

A prefetta di Corsica Josiane Chevalier, hà fattu cunnosce a decisione di u Statu nant’à u prugettu Vighjaneddu 2. Si tratta di l’autorizazione di custruì un centru d’interru di u mullizzu micca periculosu, una stallazione di scumpartimentu è di valurizazione. U cullettivu Valincu Lindu ùn hè micca suddisfattu di sta decisione è cuntinueghja à bluccà u centru Vighjaneddu 1.


AOT pè a marina di Calvi
2019-11-14 10:28:27

U prefettu di Cismonte François Ravier hà accurdatu autorizazione d’occupazione pruvisorie in u 2020 à i stabilimenti di a marina di Calvi. St’AOT hè una suluzione trasitoria da quì à u rinuvellamentu di a cuncessione di sta marina. I dirigenti, impenseriti da i cantieri di distruzzione di i so stabilimenti, sò suddisfatti di sta decisione.


Greva à e Finanze Publiche : bloccu di a direzzione è adunita in Aiacciu
2019-11-14 10:27:49

I persunali di e Finanze publiche sò in greva oghje pè prutestà contr’à e suppressione d’impieghi è pè dumandà u mantenimentu di e tesurerie rurale. Sta mane, anu bluccatu l’entrata di a so direzzione in Bastia è ci hè un’adunita davant’à u centru di e finanze d’Aiacciu.


A CGT contr’à a riforma di e ritirate
2019-11-14 10:27:18

U sindicatu hà urganizatu in Bastia una ghjurnata d’infurmazione pè infurmà u publicu nant’à a riforma di e ritirate è chjama à a mubilizazione pè a manifestazione di u 5 di dicembre.


Purtivechju: manifestazione di sustegnu à François-Pierre Giraschi
2019-11-14 10:26:47

L’incendiu di u stazzu di François-Pierre Giraschi, cumessu sabbatu scorsu, serebbe criminale. Ramintemu chì u pastore hà persu tutta a so banda d’animali. Sabbatu prossimu à 11 ore, un’adunita di sustegnu hè prevista davant’à a so spluttazione.


Incendiu d’un baraccone agriculu in Ulmetu
2019-11-14 10:26:17

Eri sera, à 7 ore è mezu, un focu hà picciatu in un baraccone agriculu nant’à a cumuna d’Ulmetu. Stu baraccone appartene à u babbu di Marie-Paule Mondoloni-Tomasi, membru è portavoce di u cullettivu Valincu Lindu. Un si cunnosce ancu l’origine di stu focu.


Trasporti diretti in avviò da Corsica à cità europee
2019-11-14 10:25:23

A cumpagnia Air Corsica hà presentatu i so voli diretti à prezzi à bon pattu in partenza d’Aiacciu è Bastia versu cità spagnole, taliane è di l’Europa di l’Este. Un prugramma valevule da u 9 di ghjennaghju à u 9 di marzu.


Articuli scorsiPrussimi articuli