RIVISTA DI STAMPA
56376 résultats !

L'ACA retrogradatu in naziunale
2019-06-25 16:57:14

Dopu à l'audizione di l’ACA davanti a direzzione naziunale di cuntrollu di gestione, a DNCG hà decisu di a retrocazione di a squadra aiaccina in naziunale.  I dirigenti aiaccini chi avianu avutu un riportu di parechje settimane afine di risponde à l’esigenze di l’organismu, ùn anu pussutu cunvince u gendarme finanziaru di u ballò prufeziunale. 


U merre di Biguglia intesu da a pulizza
2019-06-25 12:05:41

U merre di Biguglia Sauveur Gandolfi Scheit hè statu intesu in i lucali di a gendarmeria di Bastia. Serebbe intesu in u quadru di un inchiesta preliminare  fatta da a procura generale finanziaria.


Incendii
2019-06-25 12:05:09

Un incendiu s'hè dichjaratu sta mane nant'à a cumuna di Ghisunaccia à u locu Alzitone. Duie ettare d'eucaliti sò stati brusgiati. Un altru incendiu s'hè dichjaratu stu dopumeziornu in Canale di Verde induve un ettare hè statu brusgiatu.


Meridiunale : u dialogu s'hè stallatu
2019-06-25 09:58:59

Dopu avè arrestatu u bluccame di i porti d'Aiacciu è Bastia i salariati di a meridiunale anu pussutu scuntrà a direzzione. Trà e duie parte u dialogu s’hè stallatu mà  per l’ora  u muvimentu di greva cuntinueghja.


Didier Guillaume ministru di l'agricultura è di l'alimentazione in Corsica
2019-06-25 09:56:02

Didier Guillaume u ministru di l’agricultura è di l’alimentazione serà in Cismonte oghje è in pumonte dumane. A u prugramma  una visita di Stella Mare in Biguglia a prisentazione di u polu carne  in Viscuvatu, una visita di a splutazione agricula di u duminiu di Casabianda, una visita di u di u situ di l’uffiziu di u sviluppu agriculu rurale corsu è di a splutazione di Filippu Flori à a Riventosa. Dumane mercuri Didier Guillaume visiterà a splutazione di Jean Vincent Vesperini in Sarrula è Carcupinu nanzu di cunclude da un altra splutazione in Azilonu è Ampaza in u Taravu.


A Corsica s'appronta à cumbatte u caldu
2019-06-25 09:52:53

A Corsica s’appronta à cumbatte u caldu. L’ora hè oramai à a vigilenza è prevenzione. L’isula hè in alerta gialla à i sulleoni . I forti caldori so aspettati sin’à u 7 di lugliu cù timperature da 5 à 6° è ancù 8° sopr’à e norme di stagione.


L'ACA davanti à a DNCG oghje
2019-06-25 09:51:25

  Ghjè oghje chi a squadra di l’ACA passerà a so audizione davanti a direzzione naziunale di cuntrollu di gestione. I dirigenti aiaccini chi anu avutu un riportu di parechje settimane afine di risponde à l’esigenze di l’organismu anu dà prisentà i so conti di a squadra è u bugettu per a stagione prussima in liga 2. A risposta serà cunnisciuta in principiu di serata.


L'esame di u "brevet" ripurtatu per via di sulleoni
2019-06-24 17:25:13

L'esame di fin d'annata di u cullegiu chi si devia tene sta fine di settimana hè statu rimessu à u luni 1 è marti u 2 di lugliu per via di i sulleoni previsti sta settimana in tutta a Francia.


Incendiu in un casamentu in Aiacciu
2019-06-24 16:26:52

Sta mane un incendiu s'hè dichjaratu nant'à un balcone di un casamentu in Aiacciu. Subitu sopr'à piazza i suldati di u focu anu pussutu ammaestrà e giamme chi ùn si sò micca spaperse à l'immobulu. Ùn ci hè micca statu evacuazione nè danni maiò.  Per l'ora l'urigine di u sinistru ferma scunnisciuta.      


Una stalla distrutta da e fiamme in Borgu
2019-06-24 16:16:48

Una stalla hè stata distrutta da e fiamme in a notte da vennari à sabbatu in u Borgu. Una vintinna d'alloghji per i cavalli so stati dustrutti sani mà ancu di grazia eranu inoccupati durante i fatti. Per l'ora ùn si cunnoscenu e circunstanze. Un inchiesta hè stata aperta  


Chargement en cours...