Natalellu di Rusiu

Roccu Multedu, stamperia Sammarcelli.

Pueta di spressione taliana è corsa, Natalellu di Rusiu hè un scrittore chì Roccu Multedo face cunnosce cù un libbru documentatu bè : Natalellu di Rusiu, Roccu Multedo, stamperia Sammarcelli.

"In l'anni sessanta", spiega l'autore, "aghju cunnisciutu in Marsiglia una figliulina di Natalellu, Madama Marguerite Rocchi. Grazie à ella, aghju avutu quasi tutta l'opera di quellu chì, à principiu in "A Tramuntana" di Santu Casanova, firmava "Natalellu Sarocchi, mulinaghju senza farina, in Rusiu". Eccu perchè ci vole ch'o faccia cunnosce u mulinaghju pueta di Rusiu."

Natalellu hè natu u 28 di ghjugnu di u 1839 in Rusiu. Pueta da zitellu, purtava interessu à a musica, amparò solu à leghje è à scrive è fubbe incuragitu da u babbu appassiunatu di talianu à a moda tandu in literatura.

Pregnatu da l'ambiente tragicu di u so tempu, prutesterà sempre in e so puesie contr'à u banditismu. Hà parlatu in versi di a cunfessione (un puema di trenta strufate in talianu), di a guerra di u 1870 è hà festighjatu a vittoria di a Marne.